North American box office-ah No.1 leh No.2 tur a chiang hlethei lo a, The Beekeeper leh ‘Mean Girls’ an inum tawk hle a, a tawpah The Beekeeper a a No.1 ta zawk a ni. Jason Statham channa he action movie hian tun weekend kalta khan cinema hall ticket hralhna atangin dollar maktaduai 7.4 a lalut thei a, hei hi box office-ah a No.1 pui ta a ni.
The Beekeeper leh Mean Girls hi an inum tawk hle a, Mean Girls hian dollar maktaduai 7.3 lalutin No.2 a ni ta zawk a ni. Heng film pahnih hi an tlangzarh atanga weekend vawi thumna ve ve a ni tawh a, kumin kum bul lamah cinema hall ticket hralhnain beisei a la pha thei rih lo a ni.
The Beekeeper hian US-ah dollar maktaduai 42.3 lalut tawhin, US pawnah dollar maktaduai 61.9 a lalut tawh bawk a, tihan kar thum chhungin dollar maktaduai 104.2 a lalut tling ta a ni. Mean Girls pawh hi weekend vawi hnih box office No.1 ni tawh a ni a, US-ah dollar maktaduai 60.8 lalut tawhin, US pawnah maktaduai 22.6 a lalut tawh bawk a, tihian kar thum chhunga a lakluh zawng zawng chu dollar maktaduai 83.4 a tling ta a ni.
Top five khartu chu Krismas vuakveta film hralh kal ho tho kha an la ni a, Wonka chu No.3 a la ni a, Migration leh Anyone But You te chu No.4 leh No.5 an la ni bawk.
Hindi action movie Hrithik Roshan leh Deepika Padukone te channa ‘Fighter’-in tun weekend kalta khan North America-ah dollar maktaduai 3.65 lalutin No.6 a ni.
Oscar nomination 11 nei Poor Things-in dollar maktaduaio 3 lalut lehin No.7 a la ni a, he film hian US-ah dollar maktaduai 24.8 lalut tawhin, US pawnah dollar maktaduai 26.3 lalut tawhin, a vaiin dollar maktaduai 51.1 a lalut tawh bawk.
Box office top 10:
1 The Beekeeper $7,421,382
2 Mean Girls $7,300,000
3 Wonka $5,910,000
4 Migration $5,150,000
5 Anyone But You $4,800, 000
6 Fighter $3,650,000
7 Poor Things $3,048,000
8 American Fiction $2, 896, 728
9 Aquaman and the Lost Kingdom $2,820,000
10 Godzilla Minus One $2,600,000