US President Donald Trump-a chuan Nilaini atang khan UK tlawhin Windsor-ah King Charles leh lak chhungkuaa mi langsar rualten ram chawimawina nen an lo dawngsawng.
President leh First Lady Melania Trump hi kulh kul li nei chei mawi takah sakawr tawlailir hmanga phurh thlen an ni a. Queen Camilla leh Prince leh Princess of Wales ten an lo hmuak a. Band-in Stars and Stripes an tum a, thilpek hlan, silai kalrem lâm an chunga thlawhna thlawka lo lawm an ni.
Trump-a’n a vawi hnih nana UK a tlawh lai hian hian sumdawnna leh khawvel pum politics a chiri lai a ni a. King nen ceremonial parade an thlir dun.
President Trump hi Prince leh Princess of Wales pawhin an kawm dawn a. Windsor a thlen hian Catherine-i chu a mawi tak zet tih a hrilh nghe nghe.
President hi Queen Elizabeth-i ngaisangtu a ni a, Windsor-ah hian a thlanah pangpar dahin zahna a hlan.
Lal chhungkua hian Trump-a hi US-in zalenna a puan kum 250-na pualin leather volume leh January 20, 2025-a lak luh a nih laia Buckingham Palace-a an zar US hnam puanzar an hlan.
Melania Trump-i pawh Anya Hindmarch handbag leh Northern Irish artist, Cara Murphy-i siam silver bowl an hlan bawk.
King hi UK leh US sipai thawhhona tha tak lantir nen President Eisenhower-a ngunhnam anga siam hlen a ni a. Queen Camilla-i pawh Tiffany rangkachak, lunghlu leh ruby brooch hlan a ni.
Queen hi tun hnaiah a nuamsam lo va, Thawhlehnia Duchess of Kent vuinaah pawh a inlan thei lo a ni.
Sakawr tawlailira an chuannaah hian Trump-a sorkara mi pawimawh – Secretary of State Marco Rubio leh a palai, Steve Witkoff bakah mi dangte pawh an tel.
Trump-a dawnsawnnaah hian Army, Royal Navy leh Royal Air Force atangin sipai mipa leh hmeichhia 1,300 telin UK-in ram hruaitu zahna a hlana an tam ber tum a ni.
Trump-a dawnsawnna a len laiin thil dang erawh ram dang a tlawh loh ang takin vantlang hmuh phak a awm meuh lo va. Windsor estate chhung leh prime minister country estate, Chequers-ah vek neih a ni.
London khawpuiah chuan lungawi lohna lantir a ni ve mek bawk a, Wndsor-ah pawh Trump-a duh lohna thuziak lek chhuah a awm a; mahse, US atanga tlawhtute hmuh phak lohvah a ni thung.
UK Prime Minister Sir Keir Starmer-a pawhin Trump-a hi Windsor chunga Red Arrows-in thlawh khuma zahna an hlan hi a tawiawm a, F-35 fighter jet hman tum ni mah se khaw awm danin a zir loh avangin hman a ni lo thung.
Nilaini zan khan St George’s Hall-ah inkhawm buatsaih niin King Charles leh Trump pawhin thu an sawi.
Trump-a hian UK pana Air Force One-a a chuan laiin a tlawh tur chu ‘chawimawina’ a nih thu leh UK nen inlaichinna tha tak an neih thu a sawi.
A cham chhungin US technology investment inremna tluklehdingawn tel man a puan beisei a ni a, a tum ber erawh ‘ka thian’ tia a sawi, King Charles-a nena inkawm a ni.
British lal chhungkuain zah takin Trump nupa dawngsawng
