BTS in kar khat chhungin album mtd 4.17 hralh

BTS in kar khat chhungin album mtd 4.17 hralh
BTS comeback album ‘ARIRANG’ chu hralh a kal hle a, an tlangzarh atanga kar khat chhungin khawvel huapin maktaduai 4.17 an hralh thei a, an album tlangzarh tawh zinga kar khat chhunga hralh that ber a la ni. BTS hian chart leh streaming platform lamah pawh an huhang a la lian hle tih an rawn lan tir a, kum 6 dawn chhunga an album hmasa hi Billboard 200 (US albums) chart-ah pawh a No.1 ngeiin a rinawm.
Hanteo Chart-in data an tihchhuah tharah BTS ‘ARIRANG’ hi kar khat chhungin maktaduai 4.17 hi an hralh tling thei a, K-pop album sales record an rawn siam a ni. An album hi an tlangzarh atanga minute reilote chhungin maktaduai an hralh tling thei a, a ni khatnaa an hralh zawng zawng hi maktaduai 3.98 a tling bawk a, hei pawh hi ni khat thil thua album hralh tam ber a nih thu BigHit Music-in an tarlang.
ARIRANG hi physical album sales mai piah lama streaming lamah pawh a thawm a na hle a, Apple Music-ah pawh he album hi ram hrang hrang 115-a No.1 a kai a, album tlangzarh ni hian BTS hi Apple Music-a stream nasat ber an ni bawk.
He album-a an lead track ‘Swim’ pawh a hit nghal viau a, Spotify Daily Top Songs Global chart-ah ni 6 chhung a zawnin a No.1 tawh a, hei hian khawvel huapa ngaithlatu an neihthat zia a tarlang a ni.
BTS hian an comeback album vawrh lar nan leh thawm siam nan boruak pawh an nei thiam nghal le a, Gwanghwamun Square, Seoul-ah free concert an nei a, hetah hian fans 1,00,000 chuang an pungkhawm niin an tarlang a, Netflix lamah pawh an show tihchhuah niin, maktaduai 18 chuangin an en bawk. Hei bakah hian international promotion pawh kalpuiin, New York-a Spotify event-a an inlan a, TV lamah an inlan deuh malh malh bawk.