BTS-in live album tlangzarh
Kpop group BTS chuan an live album hmasa ber ‘Permission to Dance On Stage – Live’ an tlangzarh ta a, tun kum thum chhunga an group album tlangzarh leh hmasak ber niin, he album hi darkar khat leh minute 20 dawna sei niin, hla 22 a awm.
‘Permission to Dance On Stage – Live’ hi an group-in 2021-a tour an neih laia an record a ni a, he tour-ah hian Seoul atanga Los Angeles thlengin an hrut a ni. An tour hi a tirah chuan COVID-19 hripui avangin online concert angin an kalpui a, COVID-19 a ziaawm deuh hnuah mipui chhim theih concert angin an kalpui leh ta a ni.
Permission to Dance On Stage – Live album-ah hian an hla hit “DNA,” “Idol,” “Fake Love” leh “Boy With Luv (feat. Halsey),” leh fan favorite “Black Swan,” “Spring Day,” “Airplane pt.2” leh “Silver Spoon” te pawh a awm a, sap hla “Dynamite,” “Butter,” leh “Permission to Dance” te pawh an dah tel.
BTS member pasarih te hi South Korea sorkar danah mipa pangngai, kum 18-30 inkar te chu thla 18 tal sipai nunchan zira sipaia an inziah luh ngei ngei a ngai a, BTS member te pawh 2022 atang khan sipai-ah an lut tan a, tunah chuan an sipai tan hun an zo kim tawh a, sipai atangin an chhuak kim leh tawh a, group angin an che chhuak leh thei tawh dawn a ni.
BTS-in live album tlangzarh
