BTS member J-Hope chuan a album thar rualin docuseries, part 6 thleng awm tur a tlangzarh dawn e. J-Hope hian a debut studio album ‘Jack in the Box’ a tlangzarh atangin kum hnih pawh a la tling lo a, tunah chuan project lian tak tak pahnih hmachhawp a nei leh ta a, ‘Hope on the Street’ docuseries trailer a tichhuak a, he docuseries hi March ni 27-a tlangzarh tur niin, March ni 29-ah a album ‘Hope on the Street, Vol 1’ a tlangzarh dawn bawk a ni.
Trailer-ah chuan J-Hope hian “Lamin bul ka tan a, chu lam chuan thil dang tam tak min hruai thleng a. Ka ngaihtuah ta a. Eng lâm nge ka tih a, eng nge ka bulthut? Eng nge ka hmalam hun atana ka duhthusam?”
Trailer-ah chuan J-Hope bakah dancer leh choreographer khawvel hmun hrang hrang amite an inlan a, Osaka, Paris, New York City, Seoul leh Gwanju thlengin an tel.
Hope on the Street docuseries-a episode tin hi a kalpui album a hla nena inzawmna nei vek an ni a, a episode hmasa ber chu March ni 27 hian Prime Video-ah an tichhuak dawn a ni.
BTS J-Hope ‘Hope on the Street’ docuseries trailer
