BTS member V solo album ‘Layover’ an tlangzarh dawn hnai tawh a, a boruak vuak hot nan a hla pathum ‘Scenery,’ ‘Winter Bear’ leh ‘Snow Flower’ te chu streaming site-ah a dah ta. A hma chuang heng hla pathum te hi SoundCloud leh YouTube-ah chiah a awm a, tunah chuan streaming site hrang hrangah a awm ta a ni.
‘Scenery’ hi January 2019-a a tihchhuah tawh kha niin, ama hla phuah ngei a tichhuah hmasak ber a ni a, ‘Winter Bear’ hi hemi kum vek August thlaah a tichhuak leh a, ‘Snow Flower’ hi chu December 2020-a a tihchhuah niin, he hlaah hian V thian tha tal, rapper Peakboy-a’n a pui nghe nghe a ni.
A hmaa SoundCloud leh YouTube chauha awm thin kha tunah chuan Spotify leh Apple Music-ah te pawh an dah ta a, South Korean streaming platform hrang hrang Melon, Genie, VIBE, FLO leh Bugs-ah te pawh an dah tawh bawk.
V solo album ‘Layover’ hi September ni 8-ah a tlangzarh dawn a, he album-ah hian “Rainy Days” leh “Love Me Again,” “Blue,” “Love Me Again,” “Slow Dancing,” “For Us” leh ‘Slow Dancing’ bonus piano version te a awm dawn a ni.
BTS V ‘Scenery,’ ‘Winter Bear’ & ‘Snow Flower’ streaming
