Al-Nassr leh Portugal player pawimawh Cristiano Ronaldo chu a inhliam a, hliam vangin a chawl mek. Hliam vangin chawl bawk mah se Ronaldo hi a chawl rei dawn lova, a inhliam belh lo a nih chuan World Cup 2026 khel thei ngei tura ngaih a ni thung.
Al-Nassr hian inrinni zan khan Al Fayha an hmachhawn a, 3-1 in hnehna an chang. He inkhelah hian Ronaldo hian goal thun theihna remchang a nei a, penalty a thelh tlat thung. Footballer zinga goal thun tam ber Ronaldo hian penalty vawi 35 a thelh tawh a, goal 1000 thun tling tura goal a mamawh zat pawh goal 35 chiah a ni bawk. Penalty a thelh tum hian chanchintha lo dangin a tlakbuak a, chawn hliam vangin a inkhel tluan thei lo.
Ronaldo hi hliam vangin kar hnih atanga kar li chhung a chawlh a ngai dawn tih Thawhlehni khan hliam vanga chawlh rei tur hi sawi chian a ni. Hliam a neih vangin kum 41 mi Cristiano Ronaldo hi a hnual viau a, atana FIFA World Cup hnuhnung ber tur a hmachhawn thei lo mai ang tih a hlau hman hle. World Cup hmachhawn a, World Champion ni chunga football zing kawng zawh tawp a tumnaah buaina a tawh hlau viau mah se World Cup erawh a hmachhawn thei dawn niin alang.
C. Ronaldo a inhliam
