Aizawl North-III bial huamchhunga ZPM Unit pahnih chuan MLA inthlan senso atana an sum hman ban chu an party candidate hnenah an hlanlet.
ZPM Chanmari leh Hunthar Unit Aizawl hian Aizawl North-III ZPM official candidate K Sapdanga hnenah inthlan senso atana an sum hman bâng, Chanmari Unit-in Rs. 7000 leh Hunthar Unit-in Rs. 59000 chu Thawhtanni leh Pathianni khan a hran ve ve in an hlanlet a ni.
Mi inphal, mahni sum leh pai bakah tha leh zung senga thawkchhuak, unit hruaitute, Zonu leh Thalai, unit huamchhunga mimal, mi inphalte avangin sum hi hmanna tur tam takah hman em em ngai loa a awm theih avangin an hmang bang a, candidate hnena hlan let tur nei thei an ni tih an sawi.
Campaign sum bang hlanlet
