Thawhtan zing khan NBA 2024-25 regular season khelh chhunzawm a ni a, Easternn Conference hmahruaitu Cleveland Cavaliers chuan an khingpui Charlotte Hornets an hneh a, vawi 15 an chak zawn ta chiah. Cavaliers hi NBA season tharah vawi 15 chak zawk thei palina an ni.
Season thara bul tan tha tak, vawi 14 lai chak zawn tawh Cleveland Cavaliers hian an khingpui Charlotte Hornets lakah bul an tan tha a, quarter khatnaah point 10 zetin an chungnung nghal. Quarter hnihnaah Hornets an khel tha hret naa point thumin an hnufual zui leh a. Point 13 zeta hnufual zawk chungin chawlhlawk an hmang.
Chawlhlawk hnu lamah Hornets in bul an tan tha ve thung a, quarter thumnaah point 10 zetin an chungnung a, Cavaliers nen an inkar an tizim. Quarter thumnaa khel chhe viau mah se Cavaliers an insiamtha thuai a, quarter hnuhnung berah point 11 zetin an chungnung zui leh a, Hornets lakah hian point 128-114 in hnehna an chang a, vawi 15 an chak zawn ta chiah a ni.
NBA season tharah vawi 15 chak zawn thei team pali chiah an awm a, chungte chu Washington Capitols, Houston Rockets leh Golden State Warriors te an ni a. Golden State Warriors hi 2016 khan vawi 24 lai an chak zawn hial nghe nghe. Cavaliers hi vawi 15 chak zawn thei hnai ber ber an ni a, Washington Capitols leh Houston Rockets te record khum turin vawi khat chak chiah an mamawh tawh.
Charlotte Hornets an hneh tum hian Cavaliers tan Darius Garland chuan point 25 a thawkchhuak a, assist vawi 25 a nei tling bawk.
Cavliers an chak zel
