F. Lalremsiama, Chaltlang
Ph: 8415994340
Ka han tuihnih duh kher chhan chu : Prof. JV Hluna ka ngenna ngai pawimawha kumbi leh hming te, tun dinhmun thleng Aizawl Post ngeia rawn phochhuaktu ka fak duh a ni. Ani hi Lehkhabu tha tak tak ziak tawh, Assembly House-ah kum 5 lai thu dun kan ni a. FLAM (X-ho) Vice President ni lai mek a ni.
Ka duh a la kim thei lo! Hranghlui chhuanawm Lalhmingliana leh Lalbiakthanga te, CL Rema te IAS list-ah an seniority nen a lang kim lo. Ka hriat chian loh chin awmte avangin, a CHIANG bal ka duh a ni. Chu bakah, IAS-a lut, Emergency Commission Sipai Officer chhuanawm tak tak te fiah tawkin an la lang lo. Rualzakhuma te, Lalhmingthanga Colney te, B. Kapthuama te.
Mi tam takin nep zawk veka kan ngaih (palh?) fo mai, State Civil Service (MCS) atanga lut te tarlan tel a la ni lo tlat. Intihsiakna leh inelna zim deuh zawk fe atanga lut ni mah se, hun rei tak chhunga hna pawimawh tak tak an thawh chhui chianga (screening) uluk tak maia an upat dan nen lama chhut chian dawlte chauh lut thin te an ni. Paw lawh deuha Confer tih tawngkam te hi a Charitable lo a ni. Sim hmak tur. Tin, Non-Civil Service Officer atanga lutte pawh, chhuanawm tak bawk, Dr. Lalrozama leh Dr. Lalhriatzuali te, la thawk lai mek te hi.
Kan sawi hmaih hauh loh tur dang a la awm. INDIAN FOREIGN SERVICE (IFS) Prof. JV Hlunan 14 kan nei tawh a ti a. An hmingte a rawn tarlang tel lo hlauh a, an luh kum pawh. A hmasa ber KC Lalvunga (Zikpuii Pa) ziaktu ropui ni bawk dawt thla zai zaitute kha IAS/IFS tling kawp te, an duh zawk vang ngata IFS-ah lut an ni. An hming leh luh kum te tarlan ni bawk sela.
All India Service (State Cadre nei) kan tihte kha: IAS, IPS leh IFS (Forests). Hei tak hi UPSC hnuaia direct Competition atanga lut leh State Service atanga lut te awmkhawm, thawk ho te an ni a. Zavai dinhmun (inter se seniority) UPSC leh MHA te ruat fel sak an ni. Senior inchuh an awm fo. Central Administrative Tribunal (CAT) thleng hial an awm fo bawk. Hetiang lamah hian Mizote kan khermai lo a, tan lak kan ngai. Hlawh leh posting a nghawng tlat si a.
Ka sawi tawk thiam loh, ka tih theih ve loh, ka chunga chuang tur ka rawn zawng e. Tu nge Zo fate tan lo chhuak dawn che u?
A pawimawh ber chu Record rintlak a ni chauh lo. |halai leh |hangthar leh zel tur te in ni. In CHARACTER (Sum total of your personality). Nu leh Pa, Pi leh Pu te, hruaitu, Zirtirtu – a – tu – amah an tawk lo! Nangmah kha i TAWK CHIAH!! Tichuan in tling thar sup sup ang!!
Ka lo thlir reng che u ania.