Centre atanga Mizoram state
sum hmuh tur a pung dawn
Union Budget 2026- 2027 pharh a ni a, Finance Commission thara luh turah 15th Finance Commission recommendations aia tam hmu state 9 zingah Mizoram a tel.
Union Finance minister Nirmala Sitharaman chuan Pathianni khan Parliament-ah Union Budget 2026- 2027 a pharh a, sawrkar kum kal mek 2025-2026 thleng hi 15th Finance Commission rawt anga sum hi hmuh a ni a, tuna bugget pharh hi 16th Finance Commission bul tanna tur niin, 2030-2031 thleng tur a ni.
15th Finance Commission rawtnaah Mizoram state-in centre atanga chhiah hrang hrang atanga sum a hmuh ve hi 0.500% a nih laiin, 16th Finance Commission hnuaiah chuan Mizoram state share hi 0.564% a ni dawn. Hmarchhak state zingah 15th Finance Commission recommendation zat percentage hmu phak lo an awm fur laiin, Mizoram hi a aia tam hmu tur zingah a tel a ni. Centre-a chhiah tlingkhawm state-in a dawn ve thin hi Mizoram sum hnar lian ber a ni.
Rawtna thar anga Mizoram-in centre atanga sum a dawn tam zawkna tur hi cheng vaibelchhe 1643.23 vela chhut a ni a. Hei hian Mizoram state budget pawh a tha zawngin a nghawng tura ngaih a ni tih mithiamte chuan an sawi.
Centre atanga Mizoram state sum hmuh tur a pung dawn
