Centre duhsakna ka dawng nasa
– Lok Sabha MP
Mizoram Lok Sabha MP Richard Vanlalhmangaiha chuan sawrkar laipui duhsakna a dawng nasa hle tih a sawi.
Thawhtannia ZPM party office-a inkhawmah MP chuan Pathian leh mipui zara MP a nih hnu ah, Chanchintha avanga Zofate kan vanneihna a takin a hmu nasa hle tih a sawi. India ram lailia khawsa kan tribal puite nunphung a lo la hniam ve hlawm hle nia sawiin, zirna chungchangah leh kawng hrang hrangah Zofate min phak lo hle a, tribal a ni tih pawh an hre lo fo tih a sawi.
“Chanchintha dawng lo ila chuan vawiina kan dinhmun hi kan din phak ka ring lo,” a ti.
Thenawm state tribal hnam, mipui tam tak neite pawh statehood la nei pha ve lo an awm thu leh kan dinhmun min awh em em thu sawiin, “Kei ngei pawh sawrkar laipui duhsakna ka dawng nasa hle. Defence Committee member-ah hial min hlangkai a, MP zingah quarter chang lo thahnem tak an awm laiin duhsak takin quarter nuam tak min pe a ni,” a ti.
Mizoram tan theihtawp a chhuah mek a, an hmalakna a hlawhtlin hmaa puan lawk a hreh a, a hlawhtlinna erawh an hmuh chhoh zel a beisei tih a sawi a ni.
Centre duhsakna ka dawng nasa – Lok Sabha MP
