CEO-in Khawzawl tlawh
Mizoram chief electoral officer (CEO) Madhup Vyas chuan Nilaini khan Khawzawl a tlawh a. MLA inthlanpui neih tura Khawzawl district inpuahchahna enfiahin, official-te nen an inkawm.
2018 MLA inthlanpuia Tuichang Assembly constituency-a vote tla chu Mizoram puma vote tla chawhrual (state average) aia a tlem thu sawiin, kumin inthlanpuiah chuan vote tla a tam theih nan uar zawka inzirtirna kalpui a, a bikin a vawikhatna atana vote thlak tur (first time voters) te ngaihpawimawh a tul tih a sawi.
CEO hian Khawzawl DC office sak mek tlawhin, electronic voting machine dahna Strong Room, vote chhiarna tur Counting Centre leh inthlan kaihhnawiha mamawh tur hrang hranga ruahmante a enfiah a. Polling station-a hman hmun thenkhat tlawhin, danin a phut tui, inthiarna, power supply, ramp leh tul dang ‘Assured Minimum Facilities’ a awm tha em tih a enfiah.
CEO-in Khawzawl tlawh
