MZP Hqrs. Champhai chuan Myanmar ramin buaina a tawh avangin kan unau, sahimna zawnga Mizorama raltlan mi thahnem tak awm zingah India khua leh tui chauhten an neih theih nei leh neih tum an awm tih hriat a ni tih a sawi a. Heng hi ram leh hnam tan, hun kal zel tura thil pawi tak thleng thei a nih avangin an huamchhunga raltlante hriat tur leh zawm tur a siam tih a sawi.
Myanmar atanga raltlante chu India khua leh tui an nih loh avangin, India khua leh tuiin an neih theih – voter ID, Aadhar card, birth certificate, ration card adt. neih tum lo turin a chah a. India danin a phal loh ruihhlo leh sumdawnna lam chi reng reng ti lo tura hrilhin, dawr leh in hmun lo ram siama lei lo tur te, raltlan an nih ang taka awm tura beisei an nih thu te sawiin, ‘Kan inunauna tinghet turin thil dik lo tilui lo turin kan inhriattir a. Heng tih loh tur tarlan hi zawm a nih ngei theih nan MZP Hqrs. Champhai chuan hma a la dawn a ni,’ a ti.
Champhai MZP-in raltlan zawm tur hriattirna siam
