Charli XCX chu ASCAP Global Impact Award dawng tura thlan a ni a, award hi May ni 8-a ASCAP Pop Music Awards 2024 winners puala party-ah an hlan ang. He event hi sawmbik te tan chauha tel theih niin, ASCAP songwriter leh publisher kum khat chhunga an hla perform nasat zual te chawimawina hun a ni. He award hi Lana Del Rey leh Hillary Lindsey te pawhin an lo dawng tawh.
ASCAP board chairman leh president ni bawk Paul Williams cuan, “Charli ngaihruat leh ruahman thiamna te hi tawp chin nei lo ang mai a ni. A style huaisen leh ngaihhlut awm tak, mi hneh thei zet mai te hi rimawi khawvelah a tha berte zinga mi a ni,” a ti.
Charli XCX pawhin he chawimawina a dawng tur hi lawmthu sawiin, “ASCAP atanga he award ka dawng tur hi lawmawm ka ti takzet. He pawlin ka thawhrimna leh kutchhuak te min lo ngaihhlut sak a, songwriter-te support nan leh boruak tha zawk a awm theih nan rimawi hmangai taka an thawhna te hi a ropui hle a ni,” a ti.
Charli XCX hian 2024 Billboard Women in Music Awards, March ni 6-a semah khan Powerouse Award a lo dawng tawh a, Ivor Novello Visionary Award, Billboard Music Awards pahnih leh YouTube Music Award te pawh dawng tawhin, Grammy nomination, BRIT Award leh MTV EMA nomination-ah te pawh a lang tawh bawk.
Charli XCX-i’n 2024 ASCAP Global Impact Award dawng dawn
