Chawimawi phute chawimawi
dan sawrkarin ruahman dawn
The Mizoram (Grant of Governor’s Award) Scheme 2025 leh The Mizoram (Grant of Chief Minister’s Excellence Award) Scheme 2025 chungchang chu chief minister Lalduhoma hoin Nilaini khan sawikhawm a ni a. Home minister K Sapdanga leh a kaihhnawih sawrkar official-te an tel.
Mimal leh pawl, chawimawi tlakten an phu ang ngeia chawimawina an dawn theihna tur scheme an ni a. Governor Award hi Republic Day-a sem tur niin, Chief Minister Award hi Chapchar Kuta sem tura ruahman a ni.
Chief Minister Award hi civilian award anga kalpui a ni anga, Governor Award hi sawrkar hnathawk (officials) pual a ni ang. A kalpui dan tur chipchiar hi tihfel thuai a ni ang.
Chawimawi phute chawimawi dan sawrkarin ruahman dawn
