Chawngte khuaa sawrkar damdawi in leh hmanrua chi hrang hrang bakah thawktu lam thuamthat sak turin Lawngtlai District Students’ Association chuan Health & Family Welfare minister an ngen.
Lawngtlai District Students’ Association (LDSA) hian Joint NGO Chawngte nen an thutkhawm hoa an lo rel tawh angin Nilaini khan Health minister Lalrinpuii chu a pisa-ah an hmu a. Community Health Center Chawngte-a MBBS pakhat chauh awm chu pakhat dang dah belh an dil bakah CHC Chawngte-ah hian ultrasound khawl dah, x-ray khawl leh x-ray technician dah, ambulance dah, Chawngte-a health supervisor dah leh Chawngte ‘C’ Sub Centre-a health worker pakhat dahbelh te an dil a ni.
Health minister hian Joint NGO Chawngte leh LDSA thu thlen chu pawimawh a tih thu leh tih hlawhtlin a tum tur thu a lo hrilh tih an sawi a ni.
Chawngte damdawi in leh hmanrua thuamthat ngen
