Darlawn-in Community Health Centre (CHC) an neih chu Thawhtanni khan Darlawn Joint Village Council buatsaihin lawm a ni a. Tuivawl bialtu MLA, minister Lalchhandama Ralte chuan a hmanpui. Minister hian CHC bakah helai bialin hmasawnna a hmuh hrang hrang a sawi a ni.
Darlawn Joint VC hruaitute, Chalfilh Group YMA hruaitute, Joint YMA hruaitute, Joint MHIP hruaitute, MUP hruaitute, political party hrang hrang hruaitute an tel a. Heng pawl hruaitute hian Darlawna damdawi in awm that loh avanga nun chan tam tak an awm tawh dan, tuna CHC-a hlankai a ni ta chu lawmthu an sawi a; Darlawn khaw chhunga sawrkar hnathawh leh hmalakna hrang hrangah lawmthu an sawi bawk.
CHC-a hlankai lawm
