Tangka kum kaltaah Mizoram Synod chuan cheng nuai 4100 chuangin budget a khum a. Kum hmasa budget a khumna chu nuai 2000 chuang a ni.
Synod Finance Committee vawi 149-na chu moderator Rev R Vanlalnghaka kaihhruaiin May 15 & 16 chhung hian an thukhawm a. Finance officer report-a a lan danin, 2023-2024 tangka kum chhunga Synod sum hmuh tum (budget) chu Pastoral-ah Rs. 1,99,12, 17,000 leh Ramthar-ah Rs. 1,54,50, 97,000, a vaiin Rs. 3,53, 63,14,000 a ni.
Pastoral-ah hian Rs. 2,21,49, 26,750 hmuh a ni a; Ramtharah Rs. 1,73,58, 47,903 niin, a vaiin Rs. 3,95,07, 74,653 a hmu a. Budget khumna hi Rs. 41,44, 60,653 a ni.
Kum hmasa 2022-2023 a sum hmuh zawng zawng chu Rs. 3,72,72,76,408a ni a; 2023-2024 chhunga hmuh – Rs. 3,95,07, 74,653 in kum hmasa a khumna chu Rs. 22,34, 98,245 a ni.
Pastor bial zawng zawng thawhlawm thawh belhkhawm chu Rs. 3,69, 67,61,527 a ni a. Presbytery wise-a a thawh tam pathum chu – Aizawl Bethel Presbytery – Rs. 43,70, 13,328 (Bial 7 awm); Aizawl Central Presbytery – Rs. 35,43, 10,311 (Bial 5 awm); Aizawl East Presbytery – Rs. 31,22, 32,543 (Bial 6 awm) an ni.
Cheng nuai 4000+ in Synod-in budget khum
