India lailia Chhattisgarh-a Vedanta company-in a enkawl, power plant-a tui tihsatna puakah mi pakua an thi a, mi dang 15 chuangin hliam an tuar niin police-ten an sawi.
Thawhlehni chhuna chhiatna thlen chhan tak hi hriat a la ni rih lo.
Chhiatna thlenna hmun hi state khawpui, Raipur atanga km 230 vela hla, Singhitarai-ah a ni.
Puak hi tui tihlumna dawt sat lutuk vang a nih a rinawm thu plant awmna, Sakti district-a Superintendent of Police P. K. Thakur-a chuan a sawi a, finfiahna erawh an la nei lo.
Thakur-a chuan thi zinga pathum hi a hmuna thi nghal an ni a, mi dangte erawh damdawi ina lak an nih hnua thi an ni tih a sawi.
Thuchhuah siamin Vedanta chuan Singhitarai-a an plant-ah ‘thil vanduaithlak tak’ a thleng tih an sawi a, chiang zawk hriat chian tumin uluk taka chhui chian hna an thawh nghal mek thu an sawi.
Company hian thi zat pawh an sawi lo va, thil thlen dan pawh engmah an puang rih lo.
Chhattisgarh Chief Minister Vishnu Deo Sai-i chuan he thil thleng hi ‘a lungchhiatthlak tak zet’ tih a sawi a. Chhui chian a nih tur thu leh mawhphurtu lakah khauh taka hmalak a nih tur thu a sawi.
Chhattisgarh-a power plant puakah mi pakua thi
