Hmar People Convention party chuan tunhnaia ZPM atanga bang ta in a ban chhan a sawi dan chu an ngai thutakin an hrethiam lo hle tih an sawi.
HPC party thuchhuak chuan, ZPM PAC member bang ta Phairothanga chuan a ban chhan a sawiah chibil/ hnambil politics chawknung thei a duh loh thu sawiin, kumin inthlanpuia ZPM leh HPC Gen. Hqrs inbiakna pawh kohhran leh NGO duhdan kalh a ni, tia a tarlan thu a sawi.
Hei hi HPC Gen. Hqrs chuan a ngai thutakin a hrethiam lo hle a. HPC party hi registered party, Election Commission of India hnuaia registration nei niin, he party-ah hian Zofa zawng zawng an leng vek tih a sawi.
‘HPC party hian MLA inthlan apiangin candidate a siam loh chuan Mizoram party hrang hrangte a thawhpui vek tawh a, kohhran leh NGO kalh zawngin vawi khat mah hma a la ngai lo a ni tih min lo hriatsak se kan duh. Hetianga chibil/hnam bil boruak thalo siam thei zawnga thuchhuah a siam hi tun hnu ah ti tawh lo turin kan ngen a, hnam bil/ chi bil boruak chhe thei ang zawnga politics khel tawh lo turin kan ngen a ni,’ a ti.
Chibil boruak ang zawnga politics khel lo turin chah
