Chin hotute leh MZP inkawm

Chinland Council hotute leh Mizo Zirlai Pawl hruaitute chu Inrinni khan MZP Pisapuiah an inkawm.
Inkawmhonaah hian tunlaia Myanmar chanchin hrang hrang, raltlante leh ruihhlo do chungchang an sawiho a. Myanmar buaina avangin sawrkar mumal a awm hleithei loa, inrelbawlna mumal zawk a awm theih nan Chinland Council hi din tih sawiin, kawng hrang hrangin Chin State mipui tan ngaihtuahna an seng tih an sawi a ni.
Mizoram rawn tlawh Chin Baptist Church (CBC) USA hruaitute pawhin MZP Pisapui hi tlawhin an an inkawm a. Myanmar ram buai avanga Mizorama raltlante, Mizo mipuiin tha taka an lo dawnsawn avangin lawmthu an sawi a. Mizoram lo chu pan tur dang a awm loh avangin, thinlung takin an lawm tih an sawi a ni.
MZP chuan raltlante chu thlanlmuang taka awm turin an duh rualin, mi tlemte thiltih dik loh avangin thil tisual ve lote thlengin dem an hlawh thei tih lo hrilhin, thil tisualte chu dan angin hrem ni mai se an duh tih an sawi. Nunna atana tha lo ruihhlo do kawnga thawkho turin an sawm a ni.