China-a car in a sut hlum 35 tling tawh
China khawpui pakhat Zhuhai-a car pakhatin mipui pungkhawm a sut hlum zat chu mi 35 an tling tawh. Nimin khan report thar lam a awm mai loh avangin nunna chan zat hi kan tarlang hman lo a, report hnuhnung bera a lan dan chuan mi 35 in nunna chan tawhin, mi 43 in hliam an tuar bawk a ni.
He chhiatna thlen lai hian China chuan airshow ropui tak a buatsaih lai a ni a, an ram media lian Xinhua news agency chuan car pakhatin mi tam tak a rawn sut thu hi sawiin, mita hmutute ngei an kawmna an tarlang a. Mi 35 in nunna chan nghalin, mi 43 in hliam na tak an tawrh thu a tarlang bawk a ni.
He car khalhtu hi kum 62 mi putar a nih thu sawi a ni a, a tihpalh nge, a tilui erawh la hriat theih a ni lo thung.
President Xi Jinping chuan hliam tuarte chu enkawlna tha tak pe turin damdawi ina thawkte a ngen nghal a, pawikhawihtu chu hremna na tak pek a phut thu a sawi bawk niin Xinhua hian a report bawk.
China-a car in a sut hlum 35 tling tawh
