China foreign policy tharah chuan a thenawm ramte ngaih pawimawh hmasak an nih tur thu tarlan niin ‘Bats for the Belt and Road Initiative (BRI)’ tiin an vuah a, Cold War hun laia an rilru put hmang kha a rawn lang leh mek niin sawi a ni bawk.
Hetih lai hian China chuan a thenawm ramte nena inlaichinna neih a pawimawhzia sawi mah se, he a foreign policy document-ah hian India chu a tel ve lo a, kum 2020-a ramri chungchanga innghirnghona an neih vang niin India chu he document footnote-ah an dah ve mai mai chauh a ni.
He footnote-ah hian India chu ram dang 27 te nen China thawhpui tur te zingah sawi lan a ni ve chauh a ni. Nilaini kal taa document tlangzarhnaah a thenawm ramte nen “regional military alliances”, “exclusive clubs” leh “bloc confrontation” tih te a tel a ni.
China hian group han tih bik nei lo mah se, indirect taka Asia-a America inrawlhna leh Quad ram te a tih chhan niin India chu US, Australia leh Japan te nen member thuhmun an niho a ni.
Tunhma-in China hian Quad ram te hi a lo helh thin tawh hle mai a, US leh India te thil thlir dan inang leh an thawhho na atangin venhimna lamah an thawkho chho zela, Malabar sipai nunchan zir te leh ram pahnih thawh rah atangin Australia leh Japan te nen an thawkho chho zel a, hei hi China hian a helh em em a ni.
China Foreign Policy document hming ‘Outlook on China’s Foreign Policy on Its Neighbourhood In The New Era’, tih chu bung 4-ah then a ni a – 1. Asia faces new opportunities and challenges, 2. Significant progress made in China’s relations with its neighbours, 3. Concept and propositions of China’s neighbourhood diplomacy in the new era, and 4. A new vision for the “Asian Century” in the new era, tih te an ni. He foreign policy document hi Chinese leh Bhutanese official ten ramri chungchanga inkawmna an neih leh ram pahnih te palai hmanga thawk dun tura inremna an neih denchhena siam a ni a. “Ram pahnih inkara inremlohna awm thinte chu chinfel a thunun a ni,” tiin he document hian a sawi a ni.
China Foreign Policy thar \henawm ramah
