China in gallium leh germanium thawnchhuah khuahkhirh nghal

China chuan semiconductor industry tana hmanrua pawimawh lutuk, a tel lova awm theih loh pahnih chu US nena ‘chip war’ an kalpui mekah ram pawna thawnchhuah khauh zawka thunun a tum a.
Dan thar a siam hnuaiah gallium leh germanium export turte chuan special license an neih ngei a ngai tawh dawn a. Heng material pahnih te hi chips siam nan bakah military application tam taka hman rinrawl ber a ni.
Hetiang China-in hmalakna a kalpuina chhanah Washington in advanced microprocessor technology Beijing-ina duh ang thala a neih a khapsak vang a ni bera ngaih a ni.
China hi khawvel puma gallium leh germanium thawnchhuak hnem ber niin khawvela gallium 80% leh germanium 60% chu a tharchuah niin Critical Raw Mateirals Alliance (CRMA) industry body te chuan an sawi.
Heng material-te hi “minor metals” tih niin a hranpaa hmuhchhuah emaw lakchhuah ni lovin thil dang by-product a ni ber zawk.
US bakah hian Japan leh Netherlands te chip equipment maker lian ber ASML awmna ram te chuan China hnenah hian chip technology export an khuahkhirh vek a ni.
“China thuchhuak hi thil tihpalh a ni lo, a hmain Netherlands leh ram dang ten an hrek hmasa a ni,” tiin Colin Hamilton, investment firm BMP Capital Markets chuan a sawi a.
“Awlsam tak a ni, chips min pek loh chuan chung chips siamna tur hmanru achu kan pe dawn lo che u an ti a ni mai,” tiin a sawi.
Khawvela economy lian ber pahnih tena inbakkaihna an neih reng chuan tun hnaiah “resource nationalism” a tisang tia sawi niin chu chu sorkar tena ram dangte laka sawi an neih theih nana material pawimawh te an thunun chu a ni.
“Sorkar hrang hrangte hi globalisation boruak atangin an inla hrang tial tial” tiin Dr Gavin Harper, critical materials research fellow, University of Birmingham chuan a sawi a.
“International market-ah material a awm mai ang tih ngihdan chu a bo zo tawh a. Zau zawka i thlir a nih chuan Western industry te chuan harsatna nasa tak an tawk thei dawn,” tiin a sawi.
Galloum arsenide hi gallium leh arsenic chawhpawlh niin high-frequency computer chips mai bakah light-emitting diodes (LEDs) leh solar solar panels ah te nasa taka hman a ni.
Galluum arsenide hi khawvel pum huap pawhin company tlemte chauhin electronics a hman theih tur khawpa thlitfimin an siam chhuak tiin CRMA te chuan an sawi a.
Germanium hi microprocessors leh solar cells te siam nana hman niin hei bakah hian vision goggles military tana pawimawh tawpah hman a ni tiin Hamilton chuan a sawi bawk.
Mahse Hamilton chuan, “A thlaktu tur mamawh tawk siam a ni mai ang. Semiconductor tha ber thlak thei tur hi a vang a, China chu a sulsutu tak meuh meuh a nih avangin tun ang boruak a kal zel a nih chuan recylcing lamah nasa zawka hmalak a ni ang” tiin a sawi.
Thla kalta khan pentagon chuan US chuan germanium reserve a ngah thu sawiin mahse gallium chu chhekkhawl engmah a nei lo a ti a.
“Defense Department chuan ram chhungah tam zawk tharchhuah a nih theih nan nasa zawkin hma a la mek,” tiin a sawi a.
Tichung chuan Chinese export restriction chuan hun reiah pawh nghawng chu a nei dawn lo thei lova ngaih a ni tho bawk a.
China chu gallium leh germanium thawnchhuaktu lian ber a ni chungin heng material te hi computer chips siamna kawngah a thlaktu tur thil dang a awm tho tiin political risk consultancy Eurasi Group te chuan an sawi a.
China ram pawnah pawh active mining leh processing facilities te a awm tawh thu sawiin kum sawm chuang kaltaa China-in rare earth minerals thawnchhuah a lo khap tawh nen tun dinhmun mekin inanna a nei an ti bawk a.
China-in rare earth mineral thawnchhuah a thunun hnuah exporter tam zawk piangin tunah phei chuan a hma China in supply chain 93% lawiha thunun chu 63% ah a tlahniam duai tawh tiin Eurasia te chuan an sawi bawk.
Nikum October thla khan Washington chuan China a chips thawn luh tumte chuan khawvel khawi hmuna awm pawh ni se US tools emaw software an hman ngei theihna turin hma a la a, license an lak ngei ngei ngaiin a siam a ni.
China chuan US chu ‘tech hegemony’ kalpui tumah puhin a sawisel reng tawh a. Hei vang hian beijing chuan US firms te American military te nena inzawmna nei aerospace company Lockheed Martin te ang pawh a hrek zui ve bawk a ni.