China-in youth unemployment sawi duh lo

China chuan thalai hna nei lo awm zat unemployment figures a tichhuak duh lo va, hei hi China economy tlakhniamzia tarlanna nia ngaih a ni a.
Khawvela economy lian ber pahnihnaah hian thil inthlak danglam a awm vanga tichhuak lo an ni tiin sorkar thuchhuah chuan a tarlang.
June thla khan China-ah kum 16 atanga 24 inkar khawpuia cheng hna nei lote punna chuan record siamin 20% chuangin a sang a.
China central bank pawhin Thawhlehni khan growth tihchak a nih theih nan cost of borrowing a tihniam bawk a. Official figure Thawhlehnia tihchhuahah chuan China overall unemployment rate chu July tha khan 5.3% ah a chho tih a ni thung.
China sorkar chuan youth joblessness data bik chu an tichhuak rih dawn lo a ti a, eng hunah nge an tihchhuah dawn an sawifiah lo thung.
National Bureau of Statistics thupuangtu chuan thalai zinga hna nei lo te chhiar dan chu enfiah ngai tiin a sawi thung a. “Economy leh society inthlak danglam reng a ni a. Statistical work pawh siam that ngai reng a ni,” tiin Fu Linghui chuan Beijing a news conference a neihnaah a sawi.
Fu chuan kum 16 atanga 24 inkar hna nei lote chuan unemployment figure a khawih danglam tiin a sawi a. Mahse, China chuan educated te chu unemployed angin a chhiar ngai lo hrim hrim thung.
Kum 2018 atang khan China chuan youth unemployment figures a tichhuak tan a. Mahse, thingtlang hmuna thalaite unemployment data erawh a tichhuak rih lo thung a.
Youth unemployment figure tihchhuah duh loh hian Chinese social media platform Weibo ah chuan boruak a siam nghla hat a. Hetih lai hian People’s Bank of China chuan Thawhlehni khan thla thum chhunga a tum hnih nan interest rate a tihniam zui bawk.
Kar kalta khan China chuan export lam a tlakhniam thu puang tawh bawkin hei bakah hian property market lamah harsatna nasa tak a tawk mek nia sawi a ni bawk.