China leh Pakistan inzawmna nghet

China chuan a thian tha Pakistan nena inzawmna chu a titha deuh deuh dawn a ni tiin Chiense President Xi Jinping chuan ram poahnih tena South Asian rama regional connectivity tihchangltun nan ‘CPEC’ infrastructure project kum 10-na chamah a sawi.
Islamabad a ‘Decade of China-Pakistan Economic Corridor’ (CPEC) celebration event neihnaah Xi chuan congratultory message thawnin USD 60 billion CPEC infrastructure programme chu Belt and Road Inititive (BRI) hnuaia project pawimawh a ni tiin a sawi bawk a.
CPEC hian Gwadar Port pakistan a BAlochistan a awm leh China a Xinjiang province chu thlunzawmin mahse Pakistan occupied Kashmir paltlang a nih avangin India chuan a dodal thung.
Islamabad a event huaihawt hi Chinese Vice Premier He Lifeng chuan telpuiin Pakistan-ah ni thum a cham zui ang.
“China chuan Pakistan nen high-standard, sustainable livelihood tichangtlung thei siam nan thawk zui zelin CPEC chu belt and Road cooperation hnuaiah project entlawn tlaka siam a ni ang,” tiin Xi chuan a sawi.
“Kum 2013-a kalpui tan a nih atangin China leh Pakistan te chuan CPEC chu thawhhona tha leh thawhdunna tha tak, ram pahnihte hlawk ve ve na turin nasa takin hma an la dun a ni,” tiin Xi chuan a sawi bawk.
General Secretary of the ruling Communist Party of China ni bawk Xi chuan CPEC chuan Pakistan-ah economic leh social development lamah phurna siamin regional connectivity bulthut tha a siam tiin a sawi bawk a.
He project hi ‘China leh Pakistan inthian thatzia pholanna a ni bawk’ tia sawi bawkin nakin zela China-Pakistan community inzawmna tha zawk nei zel siamtu tur a ni a ti bawk.
China leh Pakistan chuan ruahmanna siama tizau zelin inzawmna a an kalpui thuk tial tial dawn tiin Xi chuan a sawi bawk a. International landscape a inthlak mai thei a, mahse, China chuan Pakistan chu a thlawp tlat reng dawn a ni tiin a sawi bawk a.
CPEC project atan hian ram pahnih te chuan kum 2013 khan inremna an siam fel tawh a, mahse klum 2015 a President Xi Jinping an Pakistan a tlawhin kalpui tan a ni chauh thung.
BRI Chu Chinese President Zi an kum 2013 atanga a kalpui tan niin a tum ber chu Asia, Central Asia, Gulf region, Africa leh Europe te chu kwngpui tha leh tuipui kawng hmanga thlunzawm tumna a ni.
BRI hi China-in khawvel huapa thiltithei zawk nih tuma a hmalakna niin Chinese investment hmangin khawvel ram hrang hrangah infrastructure project turu tak tak a kalpui a.
He BRI hian ram tenau zawk te chu Chinese leiba turu tak neihtir thungin Sri Lanka phei chuan China leiba a ngah lutuk avangin kum 2017 khan a lawngchawlhna pawimawh Hambantota port chu China hnenah kum 99 atan neitu nihna a pe ringawt mai a ni.