China Premier thar tur Li Qiang

Kum li kalta khan Li Qiang chu thla hnih tal tawp Shanghai khawpui Covid avanga lockdown hmiahtu tia hriat lar a ni a, tunah erawh China premier thar tur ni dawnin megacity Shanghai stock market langsar vu miah si lova siam that kawnga sulsutu anga ngaih a ni.
Li Qiang hian Premier ni thei turin China Securities Regulatory Commission (CSRC) a kalkan hmak thei bawk a, he Comission pawimawh turu ni thin hi President Xi Jinping a kaihhruaina hnuaiah a thuneihna tihnepin a awm mek a, Li Qiang chu President Xi Jinping a rin bur a ni bawk a. CSRC siamthat nana sulsutu pawimawh ber pawh Li Qiang a ni tlat.
Kum 2018 daih tawh khan Xi Jinping ngei hmalaknain Shanghai a new tech-focused STAR Market mai bakah resigration-based IPO system te chu China a firm indinthar tir tha ber ber tena ram pawn aia list an neih theih nan an siam tha a.
“CSRC te kha an lawm lo nasa a ni” tiin veteran banker pakhat Shanghai a official te hnimhnai tak chuan a sawi a. “CSRC siam danglam nana mi pawimawh ber pakhat chu Li niin Xi an a thlawp tlat a ni,” tiin a sawi bawk.
Li Qiang hi Shanghai a Communist Party chief pawh ni tawh niin Inrinni hian National People’s Congress ah Premier tura thlan a ni dawn a, khawvela economy lian ber a enkawl zui dawn a ni. Xi Jinping an economy management lama thuk zawka a inrawlh avangin Premier ni mek Li Keqiang nena an inkar duhthusam ta lo avangin Li Qiang hian a thlak dawn nia ngaih a ni bawk.
Leadership watchers te chuan Li Qiang leh Xi inlaichinna tha lutuk chu chakna leh derthawnna a ni thei an ti thung a. Xi a rin a hlawh a, chu chuan huai zawka chetlak theihna a neihtir thei an ti.
Trey McArver, co-founder of consultancy Trivium Chia chuan Li Qiang chu a thlak tur Li Keqiang ai daihin thiltithei leh chak a ni dawn a ti a.
Xi Jinping chuan politicial capital Shanghai chu mah thlawpna tihchak nan a duh a ti a, mi tute pawhin Li Qiang chu Xi Jinping laka rinawm bur tih an hria a ti bawk.
“XI Jinping chuan Li Qiang hi a ring em em a, tha leh chak a ti bawk a, chuvang chuan dinhmun sang leh pawimawh ber a pe ngam a ni,” tiin a sawi bawk.
Li Qiang hi career bureaucrat niin October thla daih tawh khan China No.2 ni tura XI an a loyalist te a thlanchhuahah phochhuah a ni daih tawh a.
Nikuma mipui maktaduai 25 chenna Shanghai khawpui pawh Covid lockdown bur kalpui mai ngam niin sawisel a tawk chungin Xi Jinping-an amaha rinna a nghahna chu a derthawng eih lo thung.
Chutihrual chiah chuan China in rang tht tak maia nikuma zero-Covid policy a rauhsan thut pawha thutlukna siamtu pawimawh chu Li Qiang bawk chu a ni leh daih tho tiin Reuters chuan a tarlang.
Amah hrechaingtute chuan Li chu practical tak an ti a, bureaucratic operator tha tak mai leh private sector te thlawp tlattu an ti thung a, hei vang tak hian China ah pawh economic lama dynamic region turu berah dah a ni an ti bawk.
China-a entrepreneurialism centre a sawi Wenzhou city ah kum 2022 atanga 2004 inkar khan Communist Party chief in a awm a, hetah hian Li chuan rilru inhawng tak neih phahin sawi aiah ngaihthlak thupuiaha neih phah tia sawi a ni.
“Liberal taka thil kalpuiin private company te chu market access pe in tun hmaa tih thin dana private company te duhsak zawk loh leh hrekna chu a hlip zek zui a, loh theih lohah tih loh chuan private company te chu hmasawn tur leh hma la turin a tur zawk,” tiin Wenzhou city a sumdawng chuan a sawi.
Craig Allen, president of the US-China Business Council leh US official hlui ni bawk chuan US carmaket Tesla tena kum 2019-a Shanghai a factory an din theihna chhan pawh Li Qiang vang a ti.
“Thutlukna a siam tawh chuan a chiang em em a, a thutlukna a fiah a, thuneitute atanga fiah taka thil a kal tawh chuan bawhzui a nuam thin,” tiin Allen chuan a sawi.
Li Qiang mimal nun erawh hriat thui a ni lo hle thung. Ruian county, tuna Wenzhou tia hriat taah piangin, kum 17 mi lek a nihin kum 1976 khan an khuaa irrigation station-ah a thawk a, khatih lai kha Mao Zedong a Cultural Revolution tawp lam a ni.
Kum 1978 khan Li chuan Zhejiang Agricultural University a lut a, a hnuah Beijing-a central party school leh Hong Kong Polytechnic University atangin master’s degree a la a.
Zhejiang hi Xi Jinping a provincial party secretary leh Li Qiang a chief of staff a nih lai kum 2004 leh 2007-a China-a private company lian ber ber te inbunna niin hetih lai hian mi pahnihte hian inthian thatna thuk tak an siam dun a ni.
American author Robert Lawrence Kuhn, kum 2005 leh 2006 a Li leh Xi te kawmtu chuan an pahniha inzawmna an neih that thu a sawi a.
“Top leader dangte ang lo takin an inman bik a ni. Xi awm laiin Li hian inthlahrunna a nei lo a, a pu ber chuan a larna tur a chhuhsak ang tih hlauhthawnna a nei ve lo,” tiin Kuhn chuan a sawi.