CM-in a bial Serchhipa
chhiatna thlen dan enpui
Serchhip bialtu MLA, chief minister Lalduhoma chuan tunhnai ruahsur avanga a bial chhunga chhiatna thlenna hmun chu Ningani khan a tlawh.
Serchhip leh a chhehvela khuarel chhiatna thleng leh a thlen chhan, leilung chet dan a hmunah zirchiangin, chhiatna tuartute leh khawtlang hruaitute an lo dawngsawng a. Ruahsur nasa avanga Zoram puma tawrhna, a bikin, a bial chhunga in leh lo bakah huan lo ram chhia avanga tuartu mipui a tawrhpui tih Lalduhoma hian a sawi.
Chhiatna liantham atanga chhiatna tenau deuh thlenga tuartute chu sawrkar atang tanpuina awm thei ang ang ngaihtuah sak an ni dawn tih a sawi a. Khuarel chhiatna thleng avanga mipui harsatna thleng chu a rang thei anga siamthat thuai a nih theihnan sawrkar hotute pawh a hriattir nghal tih a sawi bawk.
Chief minister hian Seerchhip leh a chhevel bakah Thenzawl, Buangpui leh Neihloh khuaa chhiatna thlenna a hmunah a en a ni.
Serchhip district bawrhsap Paul L. Khuma report danin, tun ruahsur nasa vang hian an district-ah in chhe vek 25, chhe nasa 19, a then lai chhia 18, hmun him zawk pana insuan chhuak chhungkaw 108 leh leimin 150 a awm a. Lei 5, public water tank 2 leh tuikhur 18, retaining wall chim 20 a awm.
CM-in a bial Serchhipa chhiatna thlen dan enpui
