CM-in Bru hnam Kut a hmanpui
Bru hnam Kut Bru Boisu Wai 2-na chu Inrinni khan Aizawlah hman a ni a, chief minister Zoramthanga’n a hmanpui.
Bru hnam tana hun pawimawh tak a telpui thei chu lawmawm tiin, Mizoram chu state lian lo te, hmasawnna hnathawhna tur sum pawh state lian zawkte nen khaikhin chuan a tam tawk loh viau laiin, sawrkar laipuiah project siamin hmasawnna hnathawhna lam haichhuah tur tam tak a awm tih a sawi.
Chief minister chuan minority community-te chhawmdawla chawisan chu sawrkar laipui pawhin a ngaihpawimawh tih sawiin, Bru community pawhin an hmasawnna tur mamawh an neih chu project siamin sawrkar laipuiah a kaihhnawih department-te kaltlangin bawhzui a nih tur thu a sawi a. Mizorama Bru zirlaite awmna hostel sakna tur an dil chu sawrkarin a ngaihtuahpui tur thu leh, hmasawnna hnathawh piahlamah mahni culture chhawmnun zel a pawimawh thu te a sawi bawk.
CM-in Bru hnam Kut a hmanpui
