Chief minister Pu Zoramthanga’n state dangte entawntlakin Mizoram kan siam thei, tia tun thlenga a la sawi chu zahthlak an tih thu BJP Thalai chuan an sawi.
BJP Mizoram Thalai Hqrs thuchhuak chuan, NEC kum 50 tlin lawmnaa, CM Pu Zoramthanga thusawi “State dangte entawntlakin Mizoram kan siam thei” tun thlenga ala ti chu a zahthlak hle, tiin, ‘Sawrkarna chelh tawhten Mizoram chu entawntlaka siam theih a nih thu hi vawi tam an lo auchhuahpui tawh a, entawntlaka siam thei dinhmuna an din laia siam duh siloa, siam theih a nih thu an sawi fo hi, anmahni mawng an hlimna mai ni ah kan ngai,’ a ti.
Thenawm state-te entawn tura mipui hmaa thu an sawi lai mek hian thenawm state-te erawh entawn ngai khawpa hmasawn leh changkang an ni tawh tih chief minister hian a hmuh kan nge, a tih ve theih loh thu tha midang tih atan a sawi leh mai zawk, tih chu an zawhna a ni tih sawiin, ‘State dangte entawntlak ni tur leh Kristian kan nih anga ringlomite laka zahawma kan lan theih a, kan Kristianna pawh kan thiltiha an hmuh ve theih tawhna turin, dawt sawi bansan a, mahni thutiam anga ding tawh tur leh, Mizoram tan thiltha ti zawk turin CM Pu Zoramthanga kan ngen a ni,’ BJP Mizoram Thalai thuchhuah chuan a ti.