Govt J Buana College Lunglei chuan Ningani khan an college-a zirlai lut tharte lawmna an buatsaih a. Lunglei High Powered Committee vice chairman V Malsawmtluanga, MLA chuan hmanpuiin, an college annual magazine “Leitlang Dingdi” a tlangzarh nghal.
Govt J Buana College principal hlui, Prof. J Zorema Proficiency Award 2024 sem a ni a, award-in a kentel trophy leh sumfai chu MZU under graduate exam 2024-a an college atanga titha zual mi pathum – Lalkhawngaihi, 5th rank (Economics); C Lalchhanchhuaha, 8th rank (Political Science) leh K Lalpekmawii, 5th rank (Mizo) hnenah hlan a ni.
Govt J Buana College hi kum 1983-a din a ni a, nikum khan an kum 40-na, Ruby Jubilee an lawm. Government Online Excellence Awards 2023-24 sem zawh takah khan Govt J Buana College website chu official institution website 45 zingah 7-na a ni.
College-a lut thar lawmna hmang
