Parliament a BJP sorkar in economy chungchanga ‘white paper’ an pharh hma in Congress president Mallikarjun Kharge chuan Narendra Modi sorkar hlawhchhamna pholanna ‘black paper’ a tlangzarh.
Kharge chuan, “Kan ramah democracy dinhmun a derthawng a ni. Tun hnai kum 10 chhungin MLA 411 lai BJP ten an sengkhawm a. Congress sorkar tam tak an tithlu a, democracy tihtawp an tum a ni” tiin a sawi a.
Congress te chuan ngaih pawimawh erah unemployment an dah laiin BJP te chuan an sawi ve ngai lo, non-BJP state kerala, Karnataka, Telangana te chu thlibik nei ranin an enkawl a ti bawk a. “PM Modi an Parliament-a a ngaihdan a sawi reng rengin a hlawhchhamna a thup ziah” tiin Congress president chuan a sawi bawk.
“Sorkar hlawhchhamna kan sawi lan apiangin ngaih pawimawh a hlawh ngai lo. Chuavangin, mipui ten sorkar hlawhchhamna an hriatfiah theih nan ‘Black Paper’ kan tichhuak ta a ni” tiin Kharge chuan a sawi bawk.
Central sorkar chuan a hma in Union Budget February 1 a pharh a nih \um khan Congress kaihhruai UPA sorkar kum 10 chhung performance leh BJP kaihhruai NDA sorkar kum 10 chhung performance khaikhinna ‘White Paper’ an tihchhuah tur thu an sawi a.
Interim budget 2024-25 Parliament a Finance Minister Nirmala Sitharaman in a pharhnaah sorkar chuan House ah White Paper a tichhuak dawn tiin ‘kum 2014 a kan dinhmun lehtuna kan dinhmun kan hriat theih nan leh khang huna inenkawlna dik lo a\anga zirlai kan zirchhuah theih nan’ tiin a sawi a ni.
Congress ten ‘Black Paper‘ tichhuak
