Electoral Bonds Scheme kha regular banking channel hmanga ‘prepaid, post-paid leh post-raid bribes’ kalpuina a ni tia sawiin Congress te chuan kha scheme kha Suprem Court kaihhruaina hnuaiah chhuichian an phut thu an sawi.
Congress general secretary Jairam Ramesh chuan tun hnaia State Bank of India (SBI) data tihchhuah zirchianna an neih hnuah BJP te hnena electoral bonds an pek hnuah corporate groups 38 te chuan sorkar contract 179 lai Rs 3.8 lakh crore hu an hmu nghal tiin a sawi.
SBI data te chu Python code hmanga enfiahin Congress te chuan donation political party te hnena pek chu 15 seconds chhung lekin an hre nghal vek thei a ti a, Congress leader chuan press conference a neihnaah Python code chu a shared zui bawk.
“BJP te hian minimum support price (MSP) legal guarantee loneitute tan an pek theihloh laiin inthamna chu dan chhungah an lalut thung si a ni” tiin Ramesh chuan a sawi.
Eirukna kalpui dan
Electorbal bonds scheme hmanga eirukna nasa tak chu thuang li : Chanda Do, Dhanda Lo [Pay donation, get business] or prepaid bribes; Theka Lo, Rishvat Do [Bag contracts and pay bribes] or postpaid bribes; Hafta Vasooli [Extortion] or post-raid bribes; leh Farzi companies, or shell companies hmang te in an kalpui a ni a ti bawk.
Ramesh chuan ‘prepaid scheme’ hnuaiah donation hmangin BJP te hnenah Rs 551 crore lai pek a ni a, thla thum chhung lekin chung donor te hnenah chuan Union government leh BJP rorelna State sorkar te chuan contract leh project Rs 1.32 lakh crore hu an pechhuak nghal a ti bawk.
‘Post-paid’ category hnuaiah Union government emaw BJP State sorkar te chuan Rs 62,000 crore hu project chu thla thum chhungin heng company te atanga electoral bonds Rs 580 core hu an hmuh hnuah an pechhuak nghal a ti bawk.
Company hming sawi lang lo
Congress te chuan heng contract te BJP te hnena electoral bonds an pek avanga hmutute hming erawh a sawi lang lo thung a. “Company te kan dem lo, system tha lo chu a ni kan kawh zawk ni” tiin Ramesh chuan a sawi bawk a. Congress te chuan India GDP than nana private sector pawimawhna a hria a ti bawk.
Corporate groups 41 te chuan Enforcement Directorate (ED), Central Bureau of Investigation (CBI), leh Income Tax department te raid tum 56 lai an tawk a ti bawk a. Heng corporate groups te hian BJP hnenah Rs 2,592 crore an pe a, heta tanga Rs 1,853 crore lawih chu raid an tawh hnua an pek a ni a ti bawk.
“Modi sorkar hian hafta vasooli(extortion) an patent thei ang” tiin Ramesh chuan a sawi a, “Contracts, projects za tel database kimchang ED/IT/CBI raids leh shell company te bakah BJP electoral bon donors database kimchang kan nei vek” tiin a sawi bawk.
Hei bakahhian Ramesh chuan shell company 16 te chuan shell company donate pum Rs 543 aangin n BJP te hnenah Rs 149 crore an pe a ti bawk a. “Company BJP te hnena donation petu te zingah Finance Ministry ngeiin money laundering thila high-risk watch list a a dah te pawh an tel a ni” tiin a sawi bawk.
Congress leader chuan Opposition INDIA bloc tena thuneihn an chan hunah electoral bond scheme chu SIT (Special Investigation Team) dinin a chhuitir ang a, Adani kaihhnawih leh PM-CARES Fund chhuichiang turin parliamentary committee a din bawk ang a ti bawk.