Khawvel hmun dang rualin Zirtawpni khan Mizoramah Consumer Rights Day hman a ni a, Aizawlah pawh Food, Civil Supplies & Consumer Affairs department bultumin hman a ni.
Hmanpuitu Consumer Affairs minister B Lalchhanzova chuan consumer-te dikna chanvo humhalh leh hman tangkai chu midang tana dah bik loin, mitinin consumer kan nih anga kan hriatchian a tul tih a sawi a. Mizo mipui chu consumer kaihhnawih hriatna lamah thanharh a ngai, tiin, mimal leh pawl ang pawha consumer-te hamthatna ngaihpawimawh a tul tih a sawi.
Consumer Protection Act 2019-in a phut angin consumer-te thubuai/ hlabuai rem turin state pum huap Consumer Disputes Redressal Commission din a ni tawh tih sawiin, sawrkarin consumer-te dikna leh chanvo vawnsak turin theihtawp chhuah zel a inhuam tih a sawi a ni.
Kumin World Consumers Rights Day thupui chu “Fair and Responsible AI for Consumers” niin, he thupui hmang hian NIT Mizoram PhD scholar Robert Lalramhluna chuan artificial intelligence (AI) awmzia, a pawimawhna leh consumer-te hamthatna atana hman tangkai a nih theih dan powerpoint hmangin a sawizau a ni.
Consumer Rights Day hmang
