Lallunghnema
Charity Lodge
Cont: 9862288182
Consumer Huang chhiartute chibai ka bûk a che u. Chiartute kâ atangin fuihna tha tak tak ka dawng zel a. Insawisel ai chuan a tha a ni. Thurâwn pawh min pêk zel ka beisei
Chawlhkâr kal ta khan Bureau of Indian Standards leh Misleading Advertisement thu hla ka ziak a.
Khatah khan thil siam chhuah (Industry, Agriculture, etc) lam khawl siam chhuahte chuan Quality Mark an nei ngei ngei tur a ni a. Indian Standards Institute mark tel lo chu lei loh tur a ni. Thil siam chhuah eng pawh Quality mark nei lo chu lei loh tur a ni a. Hei hi consumer-te him tlanna tur a ni, a pawimawh lutuk! Sumdawngte pawhin hetiang Quality mark chuang ngei hi an zuar ang a, an hralh tur a ni, kan ti a ni.
False/Misleading Advertisement hi ngaihmawhawm tak ni. Bungrua hralh tam duh avanga infak uchuak, insawimawi luat tuk hi consumer-te bum hlum theihna a ni. Consumer-te tihderna leh bumna manraw tha lo tak a ni a. Sima bansan a va tha em! Misleading Advertisement lakah i fimkur ang u. Consumer-te min tihbuai theih dan hi a namên lo si a.
Hei chauh hi ka sawi duh, Consumer- te ngaihtuahna tibuai thei, a tak hmuh tur awm si lote hi a huat thla la êm êm a ni.
Thiamna leh finna sâng tak kârah tunlai hian print media leh electronic media a tam hle a. Ni tin chanchinbu pawh chhiar turv tha tak tak kan nei mek. Hengah te hian sumdawngte chu an inzuar nasa hle thin a. Bungrua, tlo leh tha, mawi leh nalh, thianghlim leh fel mi tin zawng chhang hringnun chatuan daih leitute inchhir loh na tur leh zawng chhang loh theih loh tur a nih thu nula hmeltha tak tak hmangin an inzuarin an inpho chhuak thin a nih hi!
Mahse, belh chian dawl lo sumdawnna, infak mawina leh inzawrhna a tam hle thin a. Customer tam tak bumna a ni thin. Heng False/ Misleading Advertisement hi ti lo turin sumdawngte hi kan chah a ni. Customer-te ngaihtuahna hruai kawi zawnga inzawrh leh infak hi consumer rules/regulation kalh a nih avangin , ti tawh lo se, tih hi consumer-te au aw a ni a. Consumer-te tuarna a thleng thin a ni. Fakna hlei hluak lakah fimkhur rawh.
Consumer zoram khawvel a lo thlen theih nana ka sangawi zawnpui E.E.(P&E) pakhat message hi tha ka ti khawp mai a. Ka article-ah hian chhuah ve ka dil a. Min lo rem tihsak avangin ka lawm hle a ni. (He ka column-ah hian a ni he Electric hotupa hi pho chhuah ka dil a, a phalna thlapin ka han pho chhuak a ni-llh)
Consumer leh concerned Department-te mawhphurhna
Power supply sem chhuah leh a hun leh dik taka bill sem leh bill dawn hi Department mawhphurhna a ni a. Kan êng chhit man pek zat erawh hi chu consumer (êng chhitu) bat a ni a. Mihring hi famkim lova piang kan ni a, thil tehfel tawk leh tihsual thlengin a lo awm chang chuan (Ambassador-ah) Department leh Consumer inkarah sawi hmasak phawt tur nise chutah harsatna tawk sawi rem theih loh a nih chuan consumer hruaitute action-te hnenah thlen tur a ni. A sawina ni lo, media leh newspaper lamah zawk kal tlat ching kan awm leh zauh thin. He thil hi pawi tak a ni a. Video leh photo kan theh darh chiam hi tih hmasak loh hram hram ni se. Chhun leh zan holiday mumal pawh hmang ve hman lêk loa mipui rawngbawl department PWD, P&E, PHE etc. te tan hian lung a inthlep ve thei tih te pawh hi hre ve tel ila. Mimal takin Aizawl khawpui Ramhlun(BSD2), Power house (BSD3), Republic RSD3 (tunah Salem-ah an awm tawh). Thakthing Section, Khatla Section leh Dawrpui Vengthar Section, Serchhip leh Hnahthial, Khawzawlah Revenue khawih chi hlirin ka lo awm kual ve tawh a. Revenue collection tha chawimawina vawi li(4) ka lo dawng ve hial tawh a. Consumer ka deal chhung hian pitar pakhat chiah lungawi thei thlawt lo ka tawng a. Complaint kan inchhanna chu tun thleng hian mite sawi hlawh leh nuihzathlak tak leh dik bawk si a la ni reng.
Aw le, ka duh dan chu thawktu Dept. leh êng chhitute hi inhnial sauh sauh ila, harsatna kan tawhte hi inhrilh zung zung ila, intih mualpho tumna ang deuh a, thu vawrhdarh hmasa lovin a bialtu ngei hnenah kan harsatnate i thlen ang u.
– Er Hmingthup
He thuchah tha tak chhunzawm nan hian hei tê mai hi ka sawi duh. Ka âng pah dawn.
Mizoramah hian mahni dikna leh chanvo ngaihsak lo ber chu consumer-te (thil leitu leh service leitute) hi kan ni a. A mamawh ber kan ni lawi si bawk. Ni tin, darkar tin consumer kan nihna kan chetziain kan lantir thin a ni. Mahse, kan innghahna dan leh dun kan zir duh lo, kan peih lo. Mi dang tih atan kan dah thin. Kan buai peih lo, kan tuar a ni. Electric bill, tui bill, lpgas, ration, lirthei chi hrang hrang chuan man(rate) te hi lo zir teh u. A chhawrtu chu nang leh i chhungte an ni. A Mizo a, a Kristian zia hle a ni.
Consumer dik tak chu a huaisen thin. Consumer dik tak hmaah chuan Dawrkai leh sumdawng sualte an tlan chhe thin. Consumer dik leh huaisen lo ni ang che.