Cooperative hmasawnna tur duang

State Cooperative Development Committee chu Zirtawpni khan an chairman, chief secretary Dr Renu Sharma hoin a vawikhatna atan an thukhawm.
Chief secretary chuan sawrkar laipuiin cooperative movement a ngaihpawimawh avangin Union cabinet-in chak taka kalpui a nih theihna’n kalphung thar a duang a, hemi kawngah hian Mizoramin hma kan sawn theihna’n department-a thawktute leh a kaihhnawih department dangte chu theihtawp chhuah turin a fuih.
Thutkhawmah hian Cooperation secretary Dr Lalrozama chuan Committee kalphung tur leh a hnathawh turte sawifiahin, Cooperative Societies registrar Amol Shrivastava chuan hma lak mek leh hmachhawp a hrilhfiah a ni.
Kumin January 15-a Union cabinet thukhawm chuan cooperative movement tihchak nan mipui mimira thlen phakna tur ruahmanna duan chu pharha pawmpui a ni. Hemi dung zuiin State Cooperative Development Committee hi Mizoram sawrkarin August 1 khan a ruangam thar a din a ni.