Mizorama helicopter service mek chuan mipui khamkhawp a pe loa, company dang service tel tur dap mek a ni tih chief minister Lalduhoma chuan a sawi.
GAD changtu chief minister hian Mizorama helicopter service mekah sawrkarin a hloh char char a, hloh lo turin siam dawn se, rethei zawk leh dam lo ten an banphak dawn si loa, mipui tan sawrkar chuan insenso tul a tih si avangin an inseng mek zel tih a sawi.
Tuna helicopter service Pawan Hans chu kan khawpkham loh avangin Civil Aviation ministry-ah an thlen a, regional connectivity scheme hnuaiah ruahmanna siam mek a ni tih sawiin, “Heliport thar hmun 11 (district tin) ah siam belhin, helipad 15 siam belh bawk ila, infrastructure neih belh phawt hi tul kan ti. Sikkim lama operate mek Sky One Pvt Ltd nen kan indawr a, an rem theih kan beisei. Hmanhmawh taka buaipui mek a ni,” a ti.
Copter service tur dang zawng
