Council of Ministers thukhawm School tan hamthatna tur pawm

Council of Ministers thukhawm
School tan hamthatna tur pawm
Council of Ministers chu chief minister Lalduhoma kaihhruaiin Thawhlehni khan an thukhawm a. An pawm zingah sawrkar chhawmdawl school tana hamthatna thenkhat duan chu pawm a nih bakah Civil Services (Combined Competitive) Exam-ah optional paper paih a tel.
School Education department atanga lut, sawrkar enkawl school zingah a criteria pha chiah lo deuh pawh provisional adhoc grant -in- aid a hlankaina tur leh hemi tura Mizoram Education (Provisional Adhoc Grant -in- Aid) Rules 2024-a relaxation siam leh; sawrkarin puihna, lumpsum grant -in- aid a pek thin private school tana dan awmsaa relaxation siam a tel a ni.
DP&AR atanga lut, Mizoram Civil Services (Combined Competitive Examination) a optional paper awm thin tihtawp tura draft rules siam chu pawm a ni.
Mizoram Engineering College, Pukpui Lunglei a taka kalpui tawh turin thawktu 63 lakna tur dilna chu pawm a ni a. Kum 2019 khan Mizoram Engineering College hi hawn ni tawh mah se, a panna kawng, tui lakna leh power supply a awm loa, a taka function theih a ni lo. Tunah sawrkarin a panna kawng leh tui & electric connection tihna atan cheng vaibelchhe 4.9 a sanction a, thawktu post 63 lakna tur hi pawm a ni ta a ni.
Commerce & Industries atanga lut The Draft Industrial Policy of Mizoram pawm a ni a. Industrial Policy hi kum 1989, 2000 leh 2012 ah siam a lo ni tawh a. Tunlai mil tura tha zawk leh changtlung zawkin, investor-te hip lehzual thei turin Industrial Policy 2025 hi siam a ni.
Proposal for amendment of Rule 3 (ii) of Mizoram School Education Department (Terms and condition of appointment of teaching & non-teaching staff of provincialized school) Rules 2023 chu zirchian turin study team din rawt a ni a. He rules hi Law department-in a zirchian hnuah India danpui kalh a ni, a tih avangin a taka kalpui theih a ni ta loa, tih dan dang dap turin Council of Ministers hian a zirchiang tur Study Team a din a ni.
Aizawl Smart City Limited kalpui zelna tur pawm a ni a. Kum khat dang kalpui leh nise, a tul anga ennawn zel nise tih a ni.
Council of Ministers thu pawm dang:
8 Proposal for adoption of ‘Forest (Conservation) Amendment Act 2023
8 Proposal for amendment of “The Mizoram Provisional Employee Saving Scheme 2024
8 Proposal for amendment of the Mizoram Water Supplies (Control) Rules 2023
8 Proposal for amendment of the Mizoram Cooperative Societies Rules 2012
8 The draft Mizoram Planning, Economic & Statistical Service Rules 2025
8 The draft Mizoram Rural Water Supply and Sanitation Operation and Maintenance (0&M) Policy 2025
8 Proposal for upgradation of 2 post of station officer (level-8) to one post of assistant chief fire officer (level-10) and one post of divisional fire officer (level-10) under Directorate of Fire & Emergency Services Mizoram