Delhi High Court chuan April 9 khan Delhi Chief Minister Arvind Kejriwal, excise scam nena inkungkaih money laundering case chungchanga judicial custody a awm mekin amah man a nihna a khinna chu a hnawlsak.
Justice Swarana Kanta Sharma chuan national AAP convenor Enforcement Directorate tena an manna chu ‘dan kalh’ a tih ngawt theih loh tiin a sawi a.
“Court chuan Arvind Kejriwal man chu dan nena a inkalhna a hmu lo. Chuvangin amah hrenna chu dan kalh a tih theih loh” tiin Justice Sharma chuan court thutlukna a puang a ni.
ED te chuan Hawala dealers, approvers statement, an candidate ngei Goa election atana sum fai pek a ni ngei tia sawi tute hmangin material an nei tha tawk tlat a ni tiin High Court chuan Kejriwal ngenna a hnalwnaah a sawi.
Man a nih mai piah lamah Tihar jail-a dah mek Kejriwal chuan ED custody a an hrenna an pawhsei chu a khing bawk a ni.
Delhi Chief Minister Arvind Kejriwal chuan amah an man hun chungchangah zawhna neiin Lok Sabha inthlan dawn ruaiah kher campaign tul vang lai kherin man a ni chuan Constitution basic structure a kalh a, democracy ram nihnaa inthlanna zalen leh felfai bakah level playing field a awm lo a ti bawk.
Court-in Kejriwal ngenna hnawlsak
