Covid-19 a zia leh \an

May thlaah Mizoramah Covid-19 vei an pung hluai a, mahse vanneihthlak takin tun hnaiah a zia; ni riat chhung chu hri vei hriat thar an awm tawh lo.
April-ah khan hri vei zat hi a pung hluai a, May-ah a pung zual. Mahse a zia leh a, may ni 12 hnuah hri vei hriat thar an awm ta lo.
Integrated Disease Surveillance Programme (IDSP) chhinchhiah danin, May thlaah hian ni 12 thleng khan mi 53-in hri an vei a, ni 12 chhunga hri vei zat hi nikum kum tluana hri vei zat aiin a tam.
2025-ah khan Mizoramah mi 40-in hri an vei a, kumin April thlaah chutiang zat chiah (40) chu hri vei an awm. April-ah hri vei zat a pung a, May thlaah chu aia tam chu an awm.
Nikum September-ah khan hri vei hriatchhuah pakhat a awm a, chumi hnuah hriatchhuah thar an awm zui lo vang vang; kumin March ni 10-ah hriatchhuah an awm leh a, April leh May-ah a pung ta hluai a ni. Kumin March thlaa hri vei hriatchhuah pathum an awm a, April-ah 40, May-ah 53 an awm.
Kumina hri veite hi vanneihthlak takin ngaihtuahawm an ni lo a, a tam zawk chu natna dang vanga enkawl, an inenkawlna lama hriatchhuah an ni tih thu dawn a ni.
Hri vei hriatchhuah hnuhnunte pawh a tam zawk chu an chhuak tawh a, May ni 20 khan enkawl lai pakhat a awm.
IDSP te’n an chhinchhiah danin, Mizoramah sample 19,98,592 endik a ni tawh a, hri vei zat chu 2,39,771 an ni. Vanduaithlak takin mi 734-in nunna an chan tawh.