Commonwealth Parliamentary Association (CPA) India Region Zone III, 20th Annual Conference, July 28 atanga August 1 chhunga Shillong Meghalaya-a neihah Mizoram Assembly speaker Lalrinliana Sailo a tel a. Deputy speaker H Biakzaua leh Mizoram Legislative Assembly commissioner & secretary Lalhmahruaia Zote bakah official dangte an tel bawk.
CPA Zone III Conference-ah hian Executive Commitee thutkhawm neih a ni a. Thupui pahnih – ‘Natural Disasters and Strategies for management with special reference to North East India’ leh ‘Regional Connectivity to bring North East Region at par with mainland India’ sawi ho a ni.
Mizoram Assembly speaker chuan North East India chu khuarel chhiatna hrang hrang thleng thinte laka inveng turin CPA India Region Zone III member-te tanrual a ngai tih a sawi a. United Nations Sustainable Development Goals signatory kan nih angin, hmasawnna kawng kan zawhnaah hian, tun hun atan mai ni lo, chhuan lo awm leh zel turte ngaihtuah chunga hmasawnna hna thawh a tul zia bakah chutianga hma kan lak chuan kan ramngawte awmze nei takin kan humhalh thei zel dawn tihte a sawi a ni.
Manipur tualchhung buaina vangin mi tam takin Mizoram an pan a. Mizoram sawrkar chuan a theih ang angin a tuamhlawm reng tih sawiin, Zohnahthlak unaute harsatnaah hian Mizoram sawrkar a tlanchhe dawn lo tih a sawi. India ram chhunga buaina a punlun zel leh kan Indian puiten heti khawpa an tawrhna hi haider loa, theihtawpa pui turin CPA Zone III member-te a sawm tih a sawi bawk.
CPA India Region Zone III Executive thukhawm hi Mizoramah February 6-8 a a neih turin ruahman a ni.
CPA thutkhawmah speaker tel
