CPAF-in MUHCS-a luh ve rawn dil
– Lalrinpuii
Mizorama thawk mek central paramilitary force-te chuan Mizoram state health care scheme – MUHCS chu tha an tih avangin zawm ve an rawn dil tih minister Lalrinpuii chuan a sawi.
AMC inthlan tura ZPM party tana a campaign-naah ZPM hruaitu, Health minister Lalrinpuii chuan MUCHS chu opposition party-ten tawngkam thiamna hmangin sawichhiat tum thin mah se, a chhawrtu mipuiin a rintlak zia a tak ngeiin an tawng chho zel a, nikum aia registration punna chu zaah 70 a ni tawh tih a sawi.
Central paramilitary force, Mizoram-a thawk mekte thlengin MUCHS zawm ve an chak a, zawm ve an rawn dil hial niin a sawi bawk.
Golden card chungchang chu eptu party-ten an sawi nasa hle tih a sawi a. “Golden card neite hi sawrkar hmasaah chuan private hospital-ah enkawl an ni ngai loa, kalphung tharah chuan MUCHS nen convergence tiin, private hospital-ah pawh inenkawl kan phalsak. Golden card atan central atangin cheng vaibelchhe 20 chauh kan dawng a, nikum chhunga Golden card nei damlote tana Mizoram sawrkar sum sen chu vbch. 56.82 a ni,” a ti.
CPAF-in MUHCS-a luh ve rawn dil – Lalrinpuii
