Kan hnung deuh khan International Cricket Council (ICC) chuan an hnuaia inel-na hrang hrangah mipa leh hmeichhe lawmman (prize money) chu a inzata pek tawh tur a nih thu a puang.
Mipa champion leh hmeichhe champion team hlawh a inzat ang a, an thlensan dan azira an lawmman dawn pawh a inang zel tawh dawn a ni.
England chuan ni-kum men’s T20 World Cup-ah khan champion lawmmanah US dollar maktaduai 1.6 (£1.22m) dawngin, kumin Februa-ry thla Women’s T20 World Cup champion Australia kutah US dollar maktaduai 1 (£763,000) a lut thung a, tunah chuan he world cup pahniha mipa leh hmeichhe prize money hi angkhata pek a ni tawh ang.
ICC chair Greg Bar-clay chuan an thutlukna siam chu cricket chan-china bung pawimawh a nih thu sawi chungin, “Kum 2017 atang khan kumtin hmeichhe com-petition-a prize money hi tihpun a ni thin a, hei hian a tum chu mipate nena lawmman inzat pek hi a ni.
“Tun atang chuan ICC Women’s Cricket World Cup prize money leh ICC Men’s Cricket World Cup a inzat tawh ang a, T20 World Cup pahnhi leh chutiang zelin U19 lam thlengin mipa leh hmeichhe hlawh hi a inzat chho zel tawh dawn a ni.
Tunlai hian ICC tournament lian pakhat men’s 50-over World Cup chu India leilunga khelh mek niin, nak-kum hian men’s and women’s T20 World Cup khelh chhunzawm leh a ni ang.
Cricket-ah mipa leh hmeichhe hlawh inzat dawn
