Sawrkar thar lo awm tur lakluhna programme ‘Swearing-in-Ceremony of Chief Minister and Council of Ministers’ neih dan tur chungchang sawihovin nimin khan Chief Secretary Dr Renu Sharma hovin CS Conference Hall MINECO ah a kaihhnawih Department-te an thukhawm.
Chief Secretary chuan Swearing-in-Ceremony chu programme pawimawh tak a nih avangin he thilah chanpual leh mawhphurhna nei department ten an tih tur an chian bakah an mawhphurhna te tha tak leh zo taka an hlenchhuah a tul tiin Department aiawhte chu a tha thei ang berin inbuatsaih lawkna te ruahman turin a ngen. Meeting ah hian Department hrang hrangte mawhphurhna tuk niin an tih tur te thlirho leh sawiho a ni.
2018 Inthlanpui ah khan December ni 11 a vote chhiar hnuin Sawrkar thar chu December ni 15 ah lakluh niin Assembly thar thutkhawm hmasa ber chu December ni 19 a neih a ni. Kumin Inthlanpui a mipui thlan tlin Sawrkar thar lo piang tur chu December ni 6 leh December ni 15 inkarah lakluh a rinawm a. Sawrkar thar lakluh hnu lawk, Krismas hma ngeiin Mizoram Legislative Assembly 9-na chu a hmasa ber atan an thutkhawm a beiseiawm bawk a ni.
CS hovin sawrkar thar lakluhna tur ‘Swearing in Ceremony’ sawiho
