North Eastern Council (NEC) sum, nuai 478.69 kaltlanga ruahman, Champhai Tlangnuam Vengthara Zomi Cultural Centre & Preservation of Historical Sites sakna tur lungphum chu Thawhtanni khan minister TJ Lalnuntluanga’n a phum.
Minister chuan he project neih theihna tura hma lakpuitute, Mizoram Planning & Programme Implementation department leh NEC hotute chungah lawmthu a sawi a. Chief minister Pu Zoramthanga’n Champhai district mipui mamawh ngaipawimawhin, he project hi NEC project dilna zingah ‘priority list’ ah a dah avangin district mipui aiawhin a chungah lawmthu a sawi tih a sawi bawk.
Hun lokal zel turah Zomi Cultural Centre chu Zohnahthlakte kan inpumkhatna leh inauna tichaktu a la ni zel dawn a ni, tiin, helai hmunah hian Kut hrang hrang hlim taka la hman ho zel a duh tih a sawi a ni.
Cultural Centre sa dawn
