Cyclone-in a nuaite pui turin France in tanpuitu tir
France chuan Indian Ocean-a ram neih, Mayotte-ah emergency service worker a tir a, he thliarkir hi tropical cyclone na takin a nuai a ni.
Inrinni zing lam khan cyclone chido chuan Madagascar khawchhak lam thliarkar hi nuaiin, thlipui hi darkara khata 225km/h (140mph) chuang a nih thu tarlan a ni.
Thlipui tleh hma hian Mayotte thuneitute chuan thlipui tleh tur chungchangah inralrinna tichhuakin, a chhunga cheng mihring 320,000 chuangte chu inhumhimna zawng turin a hrilh lawk a, in leh a vel endik uluk turin a chah bawk.
Tualchhung governor chuan thlipui chu rin phak baka a nat thu leh tun hma zawng aia na, a lehpek awm chuang tawh lo tur ni hiala mawi a nih thu a sawichhuak a, an tawrhna chu a nasa hle niin a sawi.
France president Emmanuel Macron chuan Mayotte mipuite chu thlaphang lo tura chahin, an tan France chu a awm reng tia sawiin, tanpuitu tur leh engkim trained chhuak mi 250 a tirh nghal thu leh, a dang pawh a tul anga che tura tirh belh zel an nih tur thu a sawi bawk a ni.
Cyclone-in a nuaite pui turin France in tanpuitu tir
