Cyclone laka inralrin nan hmun himah mi nuai khat chuang sawn tawh
West Bengal sorkar chuan cyclone dana chuan an state a thleng tawh nia sawiin, India Meteorological Department (IMD) thu ngaichang chung zelin, an mi leh sa nuai khat leh sing khat sang li chuang chu hmun him lama a sawn tawh tih a sawi.
Heng mite hi Sundarbans leh Sagar thliarkara awmte niin, he lai hmun hi thlipui na takin nuai thei a nih avangin Bengal sorkar chuan lo invenlawk hna a thawk nasa hle a ni.
State sorkar chuan Bankura, Hooghly, Howrah, North leh South 24 Parganas, Paschim leh Purba Medinipur leh Kolkata district-a mi 2,82,863 chu insawn chhuak turin a ti a, chanchin ziah lai thleng hian mi 1,14,613 chu hmun himah sawn an ni tawh tih an sawi.
Nilaini atang khan tuipui kama awm district thenkhatah chuan ruah a sur nasa hle a, Kolkata leh a chhehvelah ruahsur nasa tak a thleng chho tan bawk niin state sorkar chuan a sawi bawk.
Cyclone laka inralrin nan hmun himah mi nuai khat chuang sawn tawh
