CYMA-in Gorkha hnena OBC status pek a dodal

Central YMA chuan Mizorama Gorkhali awmten sawrkarah Other Backward Classes (OBC) status an dil chu tha an tih loh thu an sawi.
Central YMA thuchhuak chuan, Mizorama Gorkhali-ten Mizoram sawrkarah OBC status an dil mekah, an dil tirh atangin Mizo hnam himna khawih chhe thei nia a ngaih avangin a lo dodal tawh thin a. Gorkhali-te OBC status pek an nih chuan ram leilung fa, Mizote tan kawng hrang hrangin a him dawn lo nia an hriat thu a sawi.
‘Ram leh hnam humhalhna atan Central YMA-in hma a lak mek lai a, Mizo hnam tana him lo nia ngaih vangin, Gorkhali-te OBC status pek hi tha kan ti loa, a tawp thlengin kan dodal zel dawn a ni,’ a ti.