Actress Dakota Johnson leh Coldplay frontman Chris Martin te chu nikum khan tu hriat lem lohin an lo inhual daih tawh niin media hrang hrangin an tarlang. Dakota, kum 34, leh Chris, kum 47, te hi 2017 atanga inzui tan tawh kha an ni.
An pahnih han 2017-a Coldplay concert-a Dakota an hmuh atangin an inzui thu hi a tlangthang tan a, January 2018-ah Stella McCartney Hollywood fashion show-ah inhuat loh hmel taka kut an invawn sak lai an hmuh leh tak zel avangin an inzui tih a chiang ta a ni.
An inkar hi an puangzar vak lo a, red carpet lamah pawh an la inlan dun lo, mahse, an beach outing thlalak leh Chris-a’n an concert-naah Dakota a han chhai deuh lai video te hmuh tur a awm ve zeuh thin.
Chris Martin hian a ex actress tho Gwyneth Paltrow nen fa pahnih Apple Martin, kum 19, leh Moses Martin, kum 17 te a nei tawh a, Fifty Shades of Grey changtunu Dakota erawh nula a la ni.
Dakota Johnson leh Chris Martin inhual
